| Explanations in Malagasy |
5 [1.10#B292] aretina tsy fantatry ny natolo mazava. Araka ny diksionera Richardson sy Malzac dia aretina miseho amin' ny hoditra izay manjary vay ratsy sy fery mihady izy io. Angamba vay madinidinika mipoipoitra amin' ny hoditra, toy ny miboiboika avy ao anaty, no fiandohany, ka nahazoany ny anarany. -- Ny fitsaboana azy tamin' ny ntaolo dia voatana ao amin' ny Tantaran' Andriana (P. Callet, Boky I, takila 116) ; nefa fantatra fa tsy mahaleo ny fitsaboana ankehitriny ireny. -- Na izany aza, azo ambara fa ny ravi-mangahazo, velarina maro sosona mandrakotra ny fery, solosoloana matetika dia manintona ny nana sy ny ra maloto ao amin' ny vay, ary aorian' izany mampisondrotra faingana ny nofo ao amin' ny fery; azo atao na aiza na aiza io, fa zavatra mora hita. -- Tokony hodinihina ny fivalan-dranon' ny marary sao misy siramamy (fisehoan' aretin-tsiramamy) mantsy ireny vaivay ireny matetika, ary mety ho ela sitranina raha tsy voatsabo koa ity aretina ity. Izany, mbamin' ny fandinihana ny toetry ny fery sy ny toe-tena no ilana hanatonana doktera, na mety hahavonjy maika aza ny ravi-mangahazo.
6 [1.1] Vay, fery maharitra ary manitatra
|
